លោកវរសេនីយ៍ឯកព្រុំសំណាងអធិការស្រុកកៀនស្វាយបញ្ចាកម្លាំងចុះបង្គ្រាបករណីគ្រឿងញៀនដោយឃាត់ខ្លួនជនសង្ស័យម្នាក់ក្នុងចំណោមបក្ខពួក២នាក់នៅភូមិកោះប្រាក់!

(ខេត្តកណ្តាល)នៅថ្ងៃទី ២១ខែតុលាឆ្នាំ២០២៣វេលាម៉ោង១១.៣០នាទី  

ចំណុចក្នុងចំការស្វាយកំពង់ដរកោះ ស្ថិតនៅភូមិកោះប្រាក់ឃុំភូមិធំស្រុកកៀនស្វាយ ខេត្តកណ្តាល។

 ជនសង្ស័យៈ ០២ នាក់ ប្រុស(គេចខ្លួន ០១នាក់ ឃាត់ខ្លួន០១នាក់)

១-ឈ្មោះសេង សីហា ភេទប្រុសអាយុ២៩ឆ្នាំជនជាតិខ្មែរមុខរបរ មិនពិត

មានទីលំនៅភូមិកោះប្រាក់ឃុំភូមិធំ ស្រុកកៀនស្វាយ ខេត្តកណ្តាលមានសារធាតុញៀននៅក្នុងទឹកនោម

 (ឃាត់ខ្លួន) 

២-ឈ្មោះរឿន ចាន់ថា(ហៅប៉ាឡាន់)  ភេទប្រុស អាយុ ២៣ឆ្នាំ ជនជាតិខ្មែរ មុខរបរមិនពិត មានទីលំនៅភូមិកោះប្រាក់ឃុំភូមិធំស្រុកកៀនស្វាយ ខេត្តកណ្តាល (គេចខ្លួន)

 វត្ថុតាងចាប់យករួមមាន៖

១ -ម្សៅក្រាមពណ៍សថ្លាសង្ស័យសារធាតុញៀន(ម៉ាទឹកកក)ចំនួន១០កញ្ចប់ តូច

២/សម្ភារះប្រើប្រាស់វុិចខ្ចប់ថ្នាំញៀនមួយចំនួន។

លោកវរសនីយ៍ឯកព្រុំសំណាងអធិការស្រុកកៀនស្វាយថា!នៅមុនពេលកើតហេតុខាងលើដោយទទួលព័ត៍មានពីប្រជាពលរដ្ឋថាមានសកម្មភាពជួញដូរគ្រឿងញៀននៅចំណុចចំការស្វាយកំពង់ដរកោះប្រាក់ ស្ថិតនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល ក្រោយពីទទួលព័ត៍មានបានភ្លាម

កម្លាំងប៉ុស្តិ៍នរគបាលរដ្ឋបាលភូមិធំ បានសហការណ៍ជាមួយកម្លាំងជំនាញប្រឆាំងបទល្មើសគ្រឿងញៀនស្រុកកៀនស្វាយបានចុះដល់ចំណុចកើតហេតុឃាត់ខ្លួនជនសង្ស័យចំនួន០១នាក់ ឈ្មោះ សេង សីហា ភេទប្រុស អាយុ២៩ ឆ្នាំ ជនជាតិ ខ្មែរ មុខរបរ មិនពិត មានទីលំនៅ ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល ហើយដកហូតបានម្សៅក្រាមពណ៍សថ្លាសង្សយ័សារធាតុញៀន(ម៉ាទឹកកក)បានចំនួន១០កញ្ចប់តូច និងសម្ភារះប្រើប្រាស់វេចខ្ចប់ថ្នាំញៀនមួយចំនួន រួច កំលាំងសមត្ថកិច្ច បានយកជនសង្ស័យមកសួរនាំនៅប៉ុស្តិ៍នគរបាលរដ្ឋបាលភូមិធំ នៅចំពោះមុខសមត្ថកិច្ចជនសង្ស័យឈ្មោះ សេង សីហា ភេទប្រុស បានសារភាពថា ថ្នាំញៀនចំនួន១០កញ្ចប់តូចដែលសមត្ថកិច្ចដកហូតបាន ពិតជារបស់ខ្លួនប្រាកដមែន ហើយថ្នាំញៀននោះខ្លួនបានទិញពីឈ្មោះ រឿន ចាន់ថា(ប៉ាឡាន់) ភេទប្រុស តំលៃ១៥០០០០រៀល (ដប់ប្រាំមុឺនរៀល) យកមកវេចខ្ចប់ជាកញ្ចប់តូចៗទុកលក់បន្ត ក្រោយបានចំលើយសារភាពរបស់ឈ្មោះ សេង សីហា ភេទប្រុស សមត្ថកិច្ចបានចុះទៅដល់ផ្ទះរបស់ឈ្មោះ រឿន ចាន់ថា(ប៉ាឡាន់) ដើម្បីឃាត់ខ្លួនបន្តទៀត ប៉ុន្តែឈ្មោះរឿន ចាន់ថា(ប៉ាឡាន់) បានគេចខ្លួនបាត់មុនពេលសមត្ថកិច្ចទៅដល់ផ្ទះ

 ក្រោយសួរនាំរួចជនសង្ស័យរួមទាំងវត្ថុតាងបានបញ្ជូនទៅអធិការដ្ឋាននគរបាលស្រុកកៀនស្វាយដើម្បីបន្តនិតិវិធី។