ភ្នំពេញ៖នៅព្រឹកថ្ងៃទី២៥ ខែសីហា ឆ្នាំ២០២៣ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានអញ្ជើញមានមតិណែនាំដល់សិក្ខាកាម និងបិទវគ្គបណ្តុះបណ្តាលខ្លី ស្តីពីការងារដោះស្រាយ និងកសាងសុំណុំរឿងបទល្មើសចរាចរណ៍ រយៈពេល ០៥ថ្ងៃ ពីថ្ងៃទី២១ ដល់ថ្ងៃទី២៥ ខែសីហា ឆ្នាំ២០២៣ ជូនមន្ត្រីនគរបាល ផ្នែកសណ្តាប់ធ្នាប់សាធារណៈ និងប៉ុស្តិ៍នគរបាលទាំង៧ នៅអធិការដ្ឋាននគរបាលខណ្ឌឫស្សីកែវ សរុបចំនួន ២០នាក់ ស្រី ០២នាក់។
លោក អធិការ មានការកោតសរសើរដល់មន្ត្រីទាំងអស់ ដែលបានខិតខំប្រឹងប្រែងសិក្សារៀនសូត្រ ថ្វីបើមានរយៈពេលខ្លី តែដោយសារការខិតខំប្រឹងប្រែងឃើញថាទទួលបានលទ្ធផលល្អ ហើយក៏សូមឱ្យមន្ត្រីទាំងអស់យកជំនាញដែលបានរៀនសូត្រ ទៅបំពេញភារកិច្ចតាមអង្គភាពឱ្យបានល្អ និងមានការទទួលខុសត្រូវ៕
No comments:
Post a Comment