ស្រុកក្រគរ:ដោយមានការចង្អុលបង្ហាញនិងដឹកនាំផ្ទាល់ពីលោកវរសេនីយ៍ឯកមោកភារម្យអធិការនៃអធិការដ្ឋាននគរបាលស្រុកក្រគរកម្លាំងប៉ុស្តិ៍នគរបាលរដ្ឋបាលឃុំក្រាលត្រាចនិងប្រជាការពារភូមិនិងកម្លាំងជំនាញផ្នែកព្រហ្មទណ្ឌស្រុកក្រគរបានដុតដៃដុតជើងចុះស្រាវជ្រាវនិងស្វែងរកមុខសញ្ញានឹងបានឃាត់ខ្លួនជនសង្ស័យចំនួន 6 នាក់ដោយពាក់ព័ន្ធនឹងករណីលួចបំពុលឆ្កែដើម្បីយកម៉ូតូ
កាលពីថ្ងៃទី២៥ ខែសីហា ឆ្នាំ២០២៣ នៅវេលាម៉ោង ៥និង ៣០នាទី នៅចំណុចផ្ទះជនរងគ្រោះឈ្មោះ ហោន វុទ្ធី ស្ថិតក្នុងភូមិក្រឡាញ់ ឃុំក្បាលត្រាច ស្រុកក្រគរ ខេត្តពោធិ៍សាត់ ។
ចំណែកសម្ភារៈបាត់បង់រួមមាន.ទី១ ម៉ូតូC125 ពណ៌ខ្មៅ ស្លាកលេខពោធិ៍សាត់ 1N ៨៨៦០ ផលិតឆ្នាំ ២០២២ ។ ទី២ងាប់សត្វឆ្កែ ១ក្បាល។
លោកវរសេនីយ៍ឯកមោកភារម្យអធិការស្រុកក្រគរបានឲ្យដឹងថាជនសង្ស័យទាំង៦នាក់ឃាត់ខ្លួននៅអធិការរដ្ឋាននគរបាលស្រុកតាមបញ្ជារឯកឧត្ដម កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់។ ចុះថ្ងៃទី២៦ ខែសីហា ឆ្នាំ២០២៣ វេលាម៉ោង៧ និង ៤០នាទី ដើម្បីបំពេញនីតីវិធីបញ្ជូនបន្តទៅការិយាល័យជំនាញ ។
No comments:
Post a Comment