ខេត្តត្បូងឃ្មុំ៖ នៅថ្ងៃពុធ ៦កើត ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២០ ខែកញ្ញា ឆ្នាំ២០២៣ លោកឧត្តមសេនីយ៍ទោ ម៉ុន មាគ៌ា ស្នងការនគរបាលខេត្តត្បូងឃ្មុំ បានអញ្ចើញជាអធិបតី ដឹកនាំពិធីចូលរួម "អបអរសាទរ ការដាក់បញ្ចូល #រមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក នាថ្ងៃទី១៧ ខែកញ្ញាឆ្នាំ២០២៣ និង #ការទូងស្គរវាយជួងបន្លឺសំឡេងឡើង នៅម៉ោង០៧:០០នាទី" ។
នៅក្នុងឱកាសនោះដែរ លោកវរសេនីយ៍ឯក ឡាយ ឧត្តម ស្នងការរង បានអានសារលិខិតលេខ២៥ សលក ចុះថ្ងៃទី១៧ ខែកញ្ញា ឆ្នាំ២០២៣ របស់រដ្ឋាភិបាលកម្ពុជា នៃ ការ ដាក់បញ្ចូល #រមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក នាថ្ងៃទី១៧ ខែកញ្ញាឆ្នាំ២០២៣ ។
ដោយមានការចូលរួមពី លោក លោកស្រី ស្នងការរង លោក លោកស្រី នាយ នាយរងការិយាល័យ នាយ នាយរងផ្នែក និងមន្ត្រី នៃ ស្នងការដ្ឋាននគរបាលខេត្តត្បូងឃ្មុំ លោកប្រធានអង្គភាពទេសចរណ៍ សរុបចំនួន ៣២២នាក់ ៕
No comments:
Post a Comment